വയനാട്: സബ്‌സിഡികള്‍ ബാങ്ക് വഴി വിതരണം ചെയ്യുമ്പോള്‍ ബാങ്കില്ലാത്ത സ്ഥലങ്ങളില്‍ എന്തുചെയ്യും എന്നതിനുള്ള ഉത്തരവുമായി കുഞ്ഞന്‍ എ.ടി.എം.വരുന്നു. ബാങ്ക് സൗകര്യമില്ലാത്ത പ്രദേശങ്ങളില്‍ സബ്‌സിഡി തുകയുമായി എ.ടി.എമ്മുകള്‍ എത്തുകയാണ്, ഉപഭോക്താക്കളെ തേടി.
ബസ്സിലെ ടിക്കറ്റ് മെഷീനിന്റെ വലുപ്പമുള്ള എ.ടി.എമ്മുമായി ബാങ്ക് നിയോഗിക്കുന്ന ആള്‍ ഉപഭോക്താക്കളുടെ അടുത്തെത്തും.പിന്‍വലിക്കുന്ന തുക മെഷീനിലടിച്ച് സ്വീകരിക്കുന്നതോടെ അക്കൗണ്ടിനെ കുറിച്ചുള്ള വിവരങ്ങള്‍ മെഷീന്‍ മലയാളത്തില്‍ വിളിച്ച് പറയും. നിരക്ഷരര്‍ക്കും ഇതുവഴി അക്കൗണ്ടിലെ വിവരങ്ങള്‍ അറിയാന്‍ സാധിക്കും.
പണം കൈമാറുന്നത് പക്ഷെ യന്ത്രമായിരിക്കില്ല. യന്ത്രത്തോടൊപ്പം വന്ന വ്യക്തിയായിരിക്കും. വയനാട്ടില്‍ തൊഴിലുറപ്പ് പദ്ധതി തൊഴിലാളിള്‍ക്ക് ഈ വിധത്തില്‍ പണം കൈമാറുന്നുണ്ട്. ഒരു ബയോമെട്രിക് എ.ടി.എം.കാര്‍ഡാണ് ഈ സേവനം ലഭ്യമാകുന്നതിനായി അക്കൗണ്ട് ഉടമകള്‍ക്ക് നല്‍കുന്നത്.
ബാങ്കുകളില്ലാത്ത ജില്ലയിലെ നാല് പ്രദേശങ്ങളില്‍ വിവിധ ബാങ്കുകള്‍ ഈ സൗകര്യം ഏര്‍പ്പെടുത്തിയിട്ടുണ്ടെന്ന് ലീഡ് ബാങ്ക് മാനേജര്‍ അറിയിച്ചു.
ബസ്സിലെ ടിക്കറ്റ് മെഷീനിന്റെ വലുപ്പമുള്ള എ.ടി.എമ്മുമായി ബാങ്ക് നിയോഗിക്കുന്ന ആള്‍ ഉപഭോക്താക്കളുടെ അടുത്തെത്തും.പിന്‍വലിക്കുന്ന തുക മെഷീനിലടിച്ച് സ്വീകരിക്കുന്നതോടെ അക്കൗണ്ടിനെ കുറിച്ചുള്ള വിവരങ്ങള്‍ മെഷീന്‍ മലയാളത്തില്‍ വിളിച്ച് പറയും. നിരക്ഷരര്‍ക്കും ഇതുവഴി അക്കൗണ്ടിലെ വിവരങ്ങള്‍ അറിയാന്‍ സാധിക്കും.
പണം കൈമാറുന്നത് പക്ഷെ യന്ത്രമായിരിക്കില്ല. യന്ത്രത്തോടൊപ്പം വന്ന വ്യക്തിയായിരിക്കും. വയനാട്ടില്‍ തൊഴിലുറപ്പ് പദ്ധതി തൊഴിലാളിള്‍ക്ക് ഈ വിധത്തില്‍ പണം കൈമാറുന്നുണ്ട്. ഒരു ബയോമെട്രിക് എ.ടി.എം.കാര്‍ഡാണ് ഈ സേവനം ലഭ്യമാകുന്നതിനായി അക്കൗണ്ട് ഉടമകള്‍ക്ക് നല്‍കുന്നത്.
ബാങ്കുകളില്ലാത്ത ജില്ലയിലെ നാല് പ്രദേശങ്ങളില്‍ വിവിധ ബാങ്കുകള്‍ ഈ സൗകര്യം ഏര്‍പ്പെടുത്തിയിട്ടുണ്ടെന്ന് ലീഡ് ബാങ്ക് മാനേജര്‍ അറിയിച്ചു.
